علقت الفنانة غادة إبراهيم مجددا على ما تردد بشأن طلاق الإعلامية بوسي شلبي من الفنان الراحل محمود عبد العزيز، بعد حوالي شهر ونصف من زواجهما في عام 1998، كما ذكر ابناؤه في بيان لهم.

وقالت غادة إبراهيم على صفحاتها على موقع التواصل الاجتماعي الفيسبوك: “كلمة حق وشهادة أحاسب عليها والله على ما أقول شهيد”.

وأضافت: "في سنة ١٩٩٨ كنا في منزل الشيخة (ف) سعودية من أصول مغربية كنا مدعوين على الغداء في بيتها في الزمالك وكان فيه ستات كتير ومن جنسيات مختلفة وكان موجود بيننا الأخت المطلقة أيامها من النجم محمود عبد العزيز وكانت علاقتى بيها في هذه الأيام أكتر من رائعة كنت في بداياتى وكانت بتسجل معايا لقاءات لمحطة ART، وفجأة قعدت تبكى بحرقة وفتحت موضوع الطلاق وانها بتدور على حد يعمل لها عمل أو سحر ويرجعها تانى لزوجها سألتني قولت لها معنديش حد وبعدين سألت الشيخة زعلت جدا منها وإحتدت عليها وقالت لها عيب تقولى كلام زى ده احنا مش بتوع أسحار وأعمال وخلص اليوم".

وتابعت: “عرفت بعدها انها رجعت لزوجها بعد توسط صديقتها الممثلة ... وفي الوقت ده كان الى مكتوب في البطاقة وموجود على الكمبيوتر القديم كانت البطاقة بتتجدد عادى بنفس البيانات المدونة ما دام مفيش اى تحديث حصل على هذه البيانات وكذلك كان جواز السفر بيتعمل ويتجدد بنفس بيانات البطاقة .. وبشهادة مساعد المأذون الى قال انى ذهبت للمطلقة لأعطى لها قسيمة الطلاق سنة ١٩٩٨ وهى رفضت إستلامها إذن انتى عارفة ان الطلاق وقع رسميا بقسيمة موقعة ليه لما رجعتى للزوج متعملش قسيمة زواج جديدة زى الشرع والدين والقانون ؟ ولا طلبتى والزوج رفض !؟”.

وأشارت إلى: “لما إتحدث كمبيوتر الأحوال المدنية في سنة ٢٠٢٢ راحت تجدد البطاقة ظهرت وثيقة الطلاق فقامت رافعة قضية سنة ٢٠٢٣ إثبات إرجاع لكن المحكمة والقانون ليهم الأوراق الرسمية الى مش موجود فيها وثيقة زواج جديدة بعد تاريخ الطلاق !!”.
وأكدت: “الراحل العظيم احنا منعرفش ايه الحوار الى دار بينه وبينها ورجعت على أى أساس وأنهى إتفاق ده يخصهم هما .. لكن النتيجة إن المحكمة والقانون يحتاج ورق رسمى موثق مش شهادة الشهود وكذلك الميراث”.
واستطردت: “وهى من رفعت القضية ولجأت للمحاكم لغرض في نفس إبن يعقوب ! وأبناء النجم لهم كل الإحترام والتقدير ردوا قانوناً ولم يبدأوا بأى مشاكل ولا إجراءات مسيئة مطلقاً، راح فين الحب العظيم الى ضحيتى هناكى فداه وهتعيشى على ذكراه !؟؟".
وأضافت: “ولا كله يهون قدام الميراث المحصلة في الأخر نحن نحترم القضاء والقانون والقضاء قال كلمته إنك مطلقة مش أرملة !!”.
وتابعت: " أنا أحب أقوللك من موقعى هذا، فيه ورق وإثبات يبقي فيه جواز ، مفيش ورق ولا إثبات يبقي مفيش جواز، والله المستعان".