قالت الدكتورة منال عز الدين، أخصائية التغذية بمركز البحوث الزراعية، إن رفض الطفل للأكل في بداية إدخاله أمر طبيعي جدًا، ولابد للأم أن تتحلى بالصبر وتعرف إن الطفل ممكن يحتاج يرى نفس نوع الأكل ويتعرض له من 13 لـ26 مرة حتى يبدأ يتقبله.
وأضافت عز الدين، خلال حوار مع الإعلامية مروة شتلة بحلقة برنامج "البيت"، المذاع على قناة الناس، اليوم الأربعاء: "بعض الأمهات بيستسهلوا، وبمجرد ما الطفل يرفض الأكل مرتين تلاتة، بيركنوا الصنف ده ويدّوله خلطات جاهزة من الصيدلية، سواء كانت بالأرز أو القمح، ومعاهم صنف أو اتنين من الفاكهة عشان فيهم سكر، وده بيأثر سلبًا بعد كده على قابلية الطفل لتناول باقي أنواع الأطعمة".
وشددت الدكتورة منال على أهمية إن الأكل يتحضر طازة يوم بيوم، وقالت: "ماينفعش أسلق بطاطس وأشيلها في التلاجة يومين تلاتة، لازم أعمل كميات صغيرة تكفي الطفل بس، علشان أحافظ على القيمة الغذائية وما يحصلش هدر في البيت".
وأوضحت: "تقبّل الطفل للأكل بيتغير حسب حالته المزاجية، وخصوصًا وقت التسنين، واللي بيبقى فيه الطفل متضايق ومش قادر يبلع كويس، وهنا الأفضل نعتمد على السوائل، ولازم عصائر طبيعية زي البرتقال بالجزر، أو عصير الفراولة المسلوق مع البنجر، بشرط تصفيتها كويس علشان ما يحصلش شرقة أو مشاكل بسبب الألياف".
وشددت على أهمية إدخال مشروبات زي الينسون أو الكمون بعد الشهر الخامس أو السادس، لأنها تهدي الجهاز الهضمي، وتقلل الانتفاخات الناتجة عن بداية إدخال الطعام.
0 تعليق