تداول رواد مواقع التواصل الاجتماعي، خلال الساعات الماضية، منشورًا مؤلمًا نشرته فتاة تُدعى "آية سيد" عبر حسابها الشخصي بموقع "فيسبوك"، تستغيث فيه لإنقاذ ابنة شقيقتها المتوفاة من والدها، بعد ما اتهمته بتعذيب الطفلة وحرمانها من الدراسة، رغم وفاة الأم واعتماد الطفلة الكامل على خالتها في الرعاية.

وكتبت الفتاة في منشورها:

"مش عارفة أبدأ منين ولا عارفة أقول إيه غير حسبنا الله ونعم الوكيل في كل أب قلبه قاسي ميعرفش يعني إيه ضنا ولا رحمة.. بنتي ريتاج، بنت إيمان أختي، نور عيني وروحي بعد ما أختي ماتت وسابت الدنيا".

وأضافت:
"كنت شايلة أمانتها في قلبي قبل حضني، بس أبوها أخدها غصب عني، وقال إنه أبوها وليه حق يشوفها، قولت ماشي، يمكن يعوضها، يمكن يخاف ربنا فيها، لكن للأسف لا في رحمة ولا في ضمير".

وتابعت:"طفى السجاير في جسمها، حرمها من دخول الامتحانات، كسر قلبها وعقلها ونفسيتها، البنت مش بتنام من كتر الرعب، كل يوم تنهار وتصرخ، أنا قلبي بيتقطع ومش عارفة أعمل لها إيه، ذنبها إيه؟ عملت إيه الطفلة دي عشان تعيش الرعب ده؟!".

واختتمت منشورها قائلة: "أنا مش هسكت.. وهفضل أقول #هاخد_حق_ريتاج حتى لو آخر نفس فيا، ساعدوني أوصل صوتي، شيروا البوست، يمكن نوصل لحد يسمع، يمكن نقدر نحميها قبل ما نخسرها هي كمان".