نشرت أسرة الفنان عبد الحليم حافظ على صفحتهم على موقع التواصل الاجتماعي"فيسبوك" منشورا أوضحت فيه بعض الأمور المتعلقة بحقيقة زواجه ومرضه، منكرين فيه تردد بعض الشائعات بادعائه المرض، كما أنكروا تجدد الشائعات بعد مرور 17 عاما على وفاته بأنه كان متزوجًا.

قالت أسرة عبد الحليم:"يا حليم أنت أعظم واحد غنيت للحب ومن وجهة نظري ده كان بسبب حرمانك منه من أول حب الأم اللي اتحرمت منه يوم ولادتك لحد الحرمان من حب الزوجة والأبناء. عشان في ناس كتير بتحب تتشهر وخصوصا لما أضواء الشهرة عندها بتقل وتتطفي فيجيبوا سيرتك عشان يرجعوا تاني في دائرة الضوء".

وأضافت:"إشاعات كتير طلعت و أنت عايش منها الإشاعات اللي كانت بتقول أنك بتتدعي المرض علشان تنال تعاطف الجمهور، وإن نزيفك علي المسرحكان كذب ، ولما سافرت في أخر رحلة علاج طلعت الأشاعة اللي بتقول إن حليم بيتدعي أنه مسافر لندن للعلاج،  وهو بيتفسح ويلف العالم ورجعت بعدها مصر في تابوت وأخرست ألسنة كل اللي كانوا بيقولوا أنك بتمثل وبتتدعي المرض".

وتابعت: "إشاعة الجواز اللي طلعت بعد وفاتك بـ 17 سنة من ناس المفروض أنهم كانوا أصدقائك وأستمرت الإشاعة بدون أي مستند أو دليل وكان نفسي ألاقي حاجة تنفيها بدليل قاطع. أنا كنت عارف ومتأكد إنك ماتجوزتش لأنك كنت عايش لأهلك وفنك ومرضك خلاك تخاف تتجوز وتظلم معاك زوجة وأبناء وكفاية عيلتك إللي عاشوا معاك قساوة مرضك وده اللي أكدتهولي أمي وقبلها جدتي علية الله يرحمهم ويحسن إليهم".

واستطردوا:"احنا كأسرة عمرنا ما جرينا ورا تريند أو شهرة زائفة أو تاجرنا بأخبار كاذبة وبنحترم نفسنا وبنحترم جمهورك العريض في العالم كله ومحبيك، وبنلتزم الصمت وبنحاول دائماً نحافظ علي سمعة وسيرة الأسرة الطيبة ولما بنتحدث أو بننفي أي إشاعات أو أخبار لازم يكون معانا دليل أو حاجة تثبت صحة كلامنا للحفاظ علي مصداقية العائلة وحب الناس وأحترامهم لينا يجبرنا أننا منقولش حاجة إلا لو متأكدين منها بنسبة 100 %".

كانت حياة العندليب مليئة بالآلام والأحزان، ذاق فيها اليتم والمرض، وتعذّب بالحب، وترجم كل هذا فى شجن وحب وإبداع ظهر فى كل أغنية غناها وتعلق بها جمهوره.

وولد عبد الحليم حافظ فى 21 يونيو 1929 بقرية الحلوات التابعة لمركز الإبراهيمية محافظة الشرقية، واسمه الحقيقى عبد الحليم شبانة، وهو الابن الأصغر بين أربعة إخوة هم إسماعيل ومحمد وعليا، وتوفيت والدته بعد ولادته بأيام وقبل أن يتم عبد الحليم عامه الأول توفى والده ليعيش اليتم من جهة الأب، كما عاشه من جهة الأم من قبل ليعيش بعدها فى بيت خاله الحاج متولى عماشة.

وفى سياق منفصل ، كان قد حكى عازف الكمان والموزع يحيى الموجي عن الخلاف الذي وقع بين والده الملحن محمد الموجي والفنان عبد الحليم حافظ ووصل إلى قطيعة بينهما لمدة 7 سنوات.

وكشف خلال لقاء تليفزيوني عن سبب الخلاف الذي وقع بين والده وعبد الحليم حافظ رغم علاقة الصداقة القوية بينهما، وقال: "في عرافة راحت لعبد الحليم وقالتله "أم أمين" يعني أمي، بتعملك أعمال ومن هنا حصلت فرقة بين الوالد وعبد الحليم لمدة 7 سنين".